Mahmoud Elhadary
Admin
عدد المساهمات : 746
تاريخ التسجيل : 10/08/2009
العمر : 33
الموقع : طنطا
 | موضوع: قصيدة بتحبينى للشاعر محمود الحضرى من ديوان الحياه  الجمعة أغسطس 06, 2010 4:57 pm | |
| (( بتحبينى ))
بتحبينى ؟؟ بتحبينى ؟؟ عارف إنك بتحبينى
وأنا والله نفسى أقولك بس خايف تجرحينى
أيوه كنت بحس بحبك وعارف إنك بتحسينى
بس خايف أحب تانى وييجى يوم وتسيبينى
-------------------------------
حاولتى كتير تبينيلى وقلبى كان حاسس بيكى
وكان حاسس بحبك ليا فى كل نظرة من عنيكى
وقلبى كان بيحبك بس خايف أقولها ليكى
خايف أحبك وأخسرك وأضيع من أيديكى
-------------------------------
عارف إنك بقالك كتير نفسك تقوليها
ومستنيه لحظة منى أقولها وتسمعيها
بس لو قولتهالك يا ترى هتقدرى عليها
وبعدها هتكملى للآخر ولا هييجى يوم وتنسيها
-------------------------------
صدقينى أنا بحبك بس خايف أقول بحبك
وخايف لو قولتها ييجى يوم وأجرح قلبك
أو إنك تظلمينى من غير ما أكون ظلمتك
بس صدقينى ساعتها أنا بردو هفضل جنبك
-------------------------------
قلبى من كتر الجراح بقى خايف يحب تانى
وكل ما يلاقى أى قلب قرب لية علشانى
ينام ويقول لعقلى إصحى دلوقتى مات أوانى
وجية أوانك تبعد حتى لو هتبقى أنانى
-------------------------------
روحى حاولى تحبى غيرى فيه مليون يتمنوكى
وإعتبرى قلبى عاشق عادى من العشاق اللى عشقوكى
بس جوايا مش هنساكى زى ما هما نسيوكى
هفضل جوايا أحبك مهما عزالى قسوكى
-------------------------------
سامحينى إنى بعدت قلبى عنك يا حلم كبير
أنا خايف على قلبى لإنة بالحب بيبقى أسير
بس من غير الحب بيفضل عايش أمير
وأديكى عرفتى السبب ومعنديش أكتر من كدا تفسير
-------------------------------
أنا هبعد عنك علشان خايف عليكى منى
وخايف لا الحب تانى ما يخلينى متهنى
أنا جربته مره وبعّد روحى عنى
ودلوقتى خايف على قلبك لا يفضل مستنى
-------------------------------
سا محينى أن بقولك إنى بحبك لكن
قلبى هبعده عنك وهخلى حبك جوايا ساكن
لمصلحتك ومصلحتى نبعد عن الحب
علشان اللى جوانا ميبقاش مجرد ذكرى وصور وأماكن
-------------------------------
مع تحياتى .... الشاعر / محمود الحضرى
eng_mahmoud_elhadary@yahoo.com
رابط تنزيل القصيدة
http://www.mediafire.com/?sharekey=9q2yu2h54zq47
رابط القصيدة عالفيس
| |
|
