قصيدة مات الأمل للشاعر محمود الحضرى من ديوان الحياه

(( مات الأمل ))

الصح إنى أرجعلك ولا الصح أبعد عنك

ولا محاولاتى لرجوعك بتقلل قيمتى فى نظرك

ولا أنا اللى بقلل من نفسى عشان لسه بحبك

بس اللى نفسى أعرفه .. أنا لسه جوه فى قلبك ؟؟

-------------------------------

يا ترى لسة بتحبينى ولا حبيتى حد تانى

ولا مبقتش فارقة عندك أبكى وإنتى شايفانى

دانتى مكانك فى قلبى محفوظ بس الظاهر شغلتى مكانى

وجيه مكانى حد يملكك .. حد دمرك لما كنتى حبّانى

-------------------------------

مش عارف أفكر إزاى ولا حتى أكتب أقول إية

أشيل من جوايا الأمل ولا أفضل باقى علية

ويا ترى هفضل من جوايا أحاول لحد إمته

دا من كتر اللى كتبته القلم داب فية

-------------------------------

تهت خلاص ومبقيتش عارف أفكر إزاى

الصح أبص ورايا ولا أفكر فى اللى جاى

قلبى لسة عايش بس عقلى خلاص مات

ومبقيتش عارف الحى أبقى من الميت ولا الميت أبقى من الحىّ

-------------------------------

ياما ناس كتير عاشت على حب ومكانش النصيب

وياما ناس أُجبِروا على الجواز من القريب

ولو كان الحب موجود وبيدور عالحبيب

ياترى الحبيب هيجيله ولا عنه هيغيب

-------------------------------

أعمل إية علشان آخد من الدنيا اللى أنا محتاجة

دا لما قولت أحب يمكن تدينى موجة من أمواجة

لاقيته ممشيش على مزاجى ولا مشيت على مزاجة

وبدال ما أكتبة فى قصصى خلانى قصة فى كتابة

-------------------------------

خلاص مات الأمل اللى فى يوم أحييتة

وهنسى بإيدى الدنيا اللى فيها حبيتة

وهنسى إنى فى يوم فكرت وإتمنيتة

وهحاول مفتكرش إنى فى يوم لاقيتة

-------------------------------

خلاص لحد هنا .. كلامى قال كفاية

كتب لحد ما قلبى طلّع كتير من اللى جوايا

ولو طللّعت أكتر من كدا قلبى مش هيبقى معايا

وأنا معنديش أغلى من قلبى أكتبة فى قصة وحكاية

بس قصة قلبى كبيرة لازملها أكبر من رواية

-------------------------------

مع تحياتى .... الشاعر / محمود الحضرى

eng_mahmoud_elhadary@yahoo.com

رابط تنزيل القصيدة

http://www.mediafire.com/?21ygdum1ewh

رابط القصيدة عالفيس

https://www.facebook.com/note.php?saved&&suggest&note_id=465243539847

» قصيدة محمود بك الحضرى للشاعر محمود الحضرى من ديوان الحياه
» قصيدة ما الهوى للشاعر محمود الحضرى من ديوان الحياه
» قصيدة حياه حب للشاعر محمود الحضرى من ديوان الحياه