قصيدة بحلم تستنينى للشاعر محمود الحضرى من ديوان الحياه

(( بحلم تستنينى ))

لو قولتلك لسة بحبك .. هتصدقينى ؟؟

لو قولتلك نفسى أرجعلك .. هترجعينى ؟؟

دانتى الدنيا اللى فتحت عنيا عليها

وإنتى اللى عن الحنان اللى ضاع منى عوضتينى

-------------------------------

أعمل أيه علشان أرجعلك دانا من غيرك مقتول

عايش علشان أتألم وأتجرح على طول

مش لاقى طريقة أرجعك بيها ولا حتى كلامى معقول

ولا لاقى فرصة أفهمك وأتكلم وأقول

-------------------------------

غلطت فى حقك وندمت ورجعتلك ندمان

وقولت موافق بشروطك بس نرجع زى زمان

دانا قلبى نفسة ترجعله منك أى لحظة أمان

ونفسة يحس بالراحه ويرّجّع اللى كان

-------------------------------

لو إنتى لسة باقية عليا ووعد زمان باقية علية

عاوزك بس تستنينى ليوم تكونى نصيبى فية

مش طالب أكتر غير إنك تفضلى شايلانى فى قلبك

وتفضل صورتى قدامك وعايشة حوالية

-------------------------------

رجوعك بالنسبة ليا أكبر حلم حلمته

ممكن يحييلى قلبى بعد ما كنت خلاص قتلته

بس لو إتحققلى هنسى الألم اللى إتألمته

وهرجع بنى آدم جديد وأنسى كلام زمان قولته

-------------------------------

غلطت فى حقك وندمت طب أعمل إية تانى

رجعينى دانا تايه وإنتى عنك باعدانى

ورغم إن الناس حواليا حاسس إنى وحدانى

قلقان لا تضيعى من إيدى ومفيش حاجة تانية قلقانى

-------------------------------

أنا مش عاوزك ترجعى بس عاوزك تستنينى

وتفضلى فاكره وعد زمان كان ما بينك وبينى

ولو كنت غلطت فى حقك دلوقتى بقولك سامحينى

وإفتكريلى أى لحظة حلوة خليتك مرة تفتكرينى

-------------------------------

كلمة نفسى أقولهالك وأسمعها تانى وأنا جنبك

كلمة معناها كلام كتير إتجمع كله فى إسمك

كلمة لو قولتيهالى هتريحيلى قلبى وقلبك

وحتى لو مقولتيهاش هفضل فاكر أى حاجة منك

وحتى لو مكانتش ليا هعيش طول عمرى عشان أحبك

-------------------------------

مع تحياتى .... الشاعر / محمود الحضرى

eng_mahmoud_elhadary@yahoo.com

رابط تنزيبل القصيدة

http://www.mediafire.com/?omamhmnmnrz

رابط القصيدة عالفيس

https://www.facebook.com/note.php?saved&&suggest&note_id=464196109847‎

» قصيدة محمود بك الحضرى للشاعر محمود الحضرى من ديوان الحياه
» قصيدة لن أنساكى للشاعر محمود الحضرى من ديوان الحياه
» قصيدة أغيثونى يا قوم للشاعر محمود الحضرى من ديوان الحياه