Mahmoud Elhadary
Admin
عدد المساهمات : 746
تاريخ التسجيل : 10/08/2009
العمر : 33
الموقع : طنطا
 | موضوع: قصيدة عالم ما تستاهلش للشاعر محمود الحضرى من ديوان الحياه  الثلاثاء مايو 25, 2010 6:07 pm | |
| (( عالم ما تستاهلش ))
أحرق دمى لية على عالم ما تستاهلش
غدروا .. وفيها إية .. بقيت متفرقش
لا هما بقوا ليا وأنا كمان مبقيتش
ولو كانوا فى يوم ليا دلوقتى معلش
***********************************
والله يا دمعتى إوعى عليهم تنزلى
والله ما يستاهلوا إنك حتى تفكرى
دانا إستخسرتك فيهم زى ما هما باعونى
وإنتى كمان يا عينى لازم تستخسرى
***********************************
خدنا منهم إية وإدينالهم إية
مبقاش دلوقتى فى شئ ممكن نبكى علية
دا قليل الأصل مبيإصلش مهما عملت فية
واللى يبيعك بيعه من غير ما تسأل لية
***********************************
إوعى تفكر تساعده لو حتى كان غرقان
أديك غرقت وسابك وباعك كمان
ما خلاص مات قلبة ومبقاش إنسان
بقى كائِن ملهوش معنى وإنقرض من زمان
***********************************
خلاص مبقوش عندى يسووا أى حاجة
ولا يوم هتبقالهم إيدى ممدودة أو محتاجة
دول طلعوا عالم كتير عليهم السلام
وقلوبهم مليانة كدب وكلام كله سذاجة
***********************************
سيبك منهم يا قلبى ومتبصش يوم عليهم
ولو ماتوا قدامك إوعى تسأل فيهم
ما يوم ما فتّحتلهم عيونهم داروك عن عنيهم
ويوم ما علليتهم نزلوك تحت رجليهم
***********************************
والله ما يستاهلوا أفكر كانوا فى يوم ليا مين
دا من كتر جبروتهم حولولى الحب أنين
ويبيعونى من ورايا وقدامى شاريين
وأنا بكل سذاجة بايعلهم من عمرى سنين
***********************************
الغش خلاص بقى موضة الناس بتلبسها
وصاحبك اللى تآمنله يفصلك على مقاسها
ويحسسك إنك عنده بالدنيا وقصورها
وهوا من وراك بيهد فى أساسها
***********************************
الصاحب اللى تعرفة إوعى تآمنله بالساهل
ممكن تخلصله سنين وهوا ما يستاهل
وتقول دا أعز الناس مهما غيره تقابل
ويبيعك مع أول موقف وإنتا عشانة بتقاتل
***********************************
من دلوقتى يا قلبى إوعى تفكر بإحساس
وتصدق اللى تقابله وتآمن لكل الناس
دا الغش والكدب بقوا فى القوب أنفاس
وناس بتتولد وبيبقوا ليهم الأساس
***********************************
خلاص إمشوا بعيد عمرى ما هآمنلكم
وزى ما بعتونى أنا كمان بعتكم
دا حتى اللى كنت فاكرة من قلبى وحِته منى
شِرب من طبعكم وبقى بايع زيكم
***********************************
مش كل الناس كدابه فى الدنيا فيه وفيه
والمجمل من القصيده .. متقولش دا صحبى لية
دا الصاحب اللى تعرفة ويضحى بنفسه عشانك
إفدية بروحك وإوعى تضحى بية
***********************************
وإوعى تعمل زيي وتصدق أى حد
وتقول دا كل الناس قلوبهم صادقة بجد
دا الغش فى زمننا بقى بيجرى ويمّد
وكسر كل الحواجز وعمل مابيننا سد
***********************************
رســــالتى /
لا تأمن كل الناس على نفسك ولا تثق بلا مبالاه فى من حولك .. خذ حذرك حتى لا تجد نفسك يوماً فى موقف تندم على ما فاتك من أيام بسببة أو يجعلك تندم على أشخاص عرفتهم وضحيت لهم وهم لا يستحقوا .
مع تحياتى .... الشاعر / محمود الحضرى
eng_mahmoud_elhadary@yahoo.com
رابط تنزيل القصيدة
http://www.mediafire.com/?jyg0hrmnbyb
رابط القصيدة عالفيس
https://www.facebook.com/note.php?created&&suggest¬e_id=447819779847
| |
|
