قصيدة من قلبى لقلبك للشاعر محمود الحضرى من ديوان الحياه

(( من قلبى لقلبك))

أخيراً قلبى حن وحب ولقى اللى يرتاح معاه

أخيراً قلبى لقى القلب اللى ديما بيحلم بلؤاه

أخيراً قلبى حب بجد وخدى ومشى على هواه

من غير ما يقول لحد حاجة أو حتى يتهز من جواه

*********************************************

حب واحدة ملهاش تؤام غير القمر

حب وطب من أول نظرة أتاريها هي القدر

لقاها زى نسمة الربيع بتطير ورق الشجر

سحرها زى سحر السما ولونها زى لون المطر

*********************************************

إسمها مقدرش أوصفة مقدرش غير أقولة

ديماً بفكر فيها وبسهر الليل بطولة

وحبها جوا قلبى ديماً بحفظة وبصونة

حتى لو مرت الأيام مش هعرف قلب غيرة

*********************************************

نفسى أسمع كلمة بحبك ولو مرة واحدة منها

ديما كانت تعترفلى بس بعنيها وقلبها

وكنت ديما بصدقها لأنها صادقة فى حبها

وعمرى ما هفكر أسيبها حتى لو أنقلبت الدنيا كلها

*********************************************

لأنها هى الحب اللى داير طول حياتى بدور علية

لأنها عندها القلب اللى ما صدقت فى لحظة ألاقية

وقضيت طول حياتى عايش كل لحظة بحلم بية

ولما لقيتة .. حلفت ما أسيبة .. لأنى دوبت ومت فية

*********************************************

مع تحياتى .... الشاعر / محمود الحضرى

eng_mahmoud_elhadary@yahoo.com

رابط تنزيل القصيدة
http://www.mediafire.com/?2dmjbe2vmt4

الله عليك يافنااااااان
احساسك بجد عالى

شكرا جزيلا
ميرسى لذوقك

» قصيدة محمود بك الحضرى للشاعر محمود الحضرى من ديوان الحياه
» قصيدة صرخة قلب للشاعر محمود الحضرى من ديوان الحياه
» قصيدة تخيلات للشاعر محمود الحضرى من ديوان الحياه