موسوعة الرخامه(ازاى ترخم على الناس)؟؟؟‏

ازى بجد ترخم على خلق الناس وبضمير كمان
علشان تعرفوا تغلسوا على خلق الله بضمير ، و اليكم قواعد الغلاسةالأصلية·


قول
نكته طويلة و لما تيجى عند آخر سطر - وهو السطر المهماللى فى الأفيه -
أعمل نفسك نسيته ، لو حد غلس عليك قوله " و الله كانت نكته جامده بس
الظاهر أنى نسيتها " .

· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول
والله ما هيسيبك.


· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

· لما حد يشكي لك من حاجة قوله أنا عندى مشاكل أكتر منك !! .

· و أنت فى مطعم ... بص للى قاعدعلى الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!!
مش هيرد هيتنقط بس وده المطلوب اتحسبتلك نقطة .

·
كلماحد يقولك حاجة عيدها بصيغة سؤال ، مثلا هايقول : مش أنا اتجوزت ،
قوله " أتجوزت ؟! " هيقول : أه الشهر اللى فات ، قوله " الشهر اللى فات ؟!
" و هكذا .·

و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه؟ ، قوله " ولا حاجة ... راحت خلاص" !!! .

· بعد عشر دقايق كرر نفس الحركه تانى .
يا اما يكون اهبل ويخاف يا اما يتنقط منك
وفي كلتا الحالتين مصلحة.

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

· و أنت بتتكلم مع حد ، افضل مركز فى وشه جامد ، يعني ركز مرة على ودانه مرة على شعره ويا سلام بقى لو ركزت اوي على منخيره هيفضل ما سكها ومخبيها طول الكلام المهم اخنق فيه لغايه ما يجيله الرعاش.

طول
ما انتقاعد مع زمايلك فى الشغل ، صفر موسيقى نشيد بلادى ، و صدقنى
هايحدفوك بأى حاجه فى وشك يا عم أرحمنا بقى
!!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

أستلف قلم من حد ، و حط القلم فى بقك ، و أعمل نفسك بتفكر و منهمك و أنتعمال تعضعض في القلم ، أوووف يخرب بيت الرزاله


·
و أنت في المول ،ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حدذاته يعتبر هبل مش رزاله ، بس ما علينا الناس
هاتقرف منك وبرضه هو المطلوب .

· في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا ولو قالك في حاجة
طرقع في صوت اللبانة اوي و هتلاقيه رمى الجرنان.

· أعزم ناس في حفلات ناس تانيه " عيد ميلاد أو فرح اوخطوبه "
يعني ناس مالهاش علاقة هاتهم معاك وخلاص يعني بدل ما تروح
بطولك خدمعاك خمناشر تمناشر واحد كدة

في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض
... " أنا بحب الأغنية دى اوى يا جماعة " ، يارزالتك يا اخي ربنا يهدك
بجد .

· لو واقف جنب حد بيعد فلوس و في وسط ماهوبيعد ، قول بصوت عالى أى رقم عشوائى 862 !!! .
وشوف اللي هيحصلك.

ألعب
فى ألوان التليفزيون لحد ماتبقى كل الناس لونها بنفسجي ، وأعزم أصحابك
يتفرجوا عالماتش عندك ... و لو حد اعترض ، قوله " أنا شايف أن دالون
الحياة الحقيقي " ، ما كنت تسيبهم يتفرجوا عليه فى القهوة أحسن يا عم الحج
ايه الرزاله دى .·


وانت ماشى في حته كل ماتقابلك حاجة طبل عليها !!! .·
ودا برده هبل بس الناس هتتخنق منك
عز الطلب.

ألبس جراب زي اللى بيحطوا فيه المسدس ... بس حط فيه الريموت كنترول .·

أحرق الكتاب أو الفيلم في جملة واحدة ، تعرف الناس نهايته قبلها بمدة ·

لوقاعد في البيت مع اهلك او صحابك وبتتفرجوا على ماتش اوفيلم جااااااامد قبل النهايةكدة ب5 دقايق غير القناة . شد الفيشة. افصل الكهربا عن البيت .المهم ولع في التلفزيون

·
أضحك لواحدة ماتعرفهاش في الشارع و قولها بصوت عالى صباح الخير ... عامله
أيه ؟ ، ازي محمود على فكرة انا زعلان منه اوي وزعق في وشها وامشي!!!!!!




نيجي بقى للمفاجاة

بس اوعى البنات تزعل

طبعا يا جماعة احنا عارفين ان الجواز مافيش احسن منه
بسده لما تكون متجوز واحدة هااااااااادية ورقيقة وجميلة ومش نكدية
انما بقى بعيدعنك لما تكون متجوز واحدة بتعشق النكد
وبترخم وتنكد على اللي خلفوك في الرايحةوالجاية
بتبقى عايز تجيب سلكين كهربا وتعيشها مع نفسها

بس انا عندي الحل البسييييط
من غير اي تكاليف
بص يا سيدي هنكد عليهم زي ما بيعملوا
يايتعدلوا يا يستحملوا


والله ياسيدى لو لقيتها ماشيه معاك كويس ماتفتريش عليها ده مخلوق رقيق بردو
انما ساعت ما تحس ان المخلوق الرقيق ده اتحول لدراكولا
اسمع النصائح دى واشترى منى

1.انت صاحى الصبح ورايح الشغل وهى نايمه وقع اى حاجه على الارض
شغل الغساله بدونداعى المهم انك تصحيها
هتلاقيها قايمه طبعا مخنوقه ((اخنق عليها اكتر )) قوللها قومى اعملى الفطار
ماهو مش هيبقي نكد وجوع كمان

2.طبعا يوم الجمعه مافيش عندك شغل هل هتسيبلها الفرصه انها تقوم من النوم براحتها ؟؟!!
وبعدين تبدأ السينفونيه

لا يامعلم عيش واعملك سندوتش جبنه بس تراعى الشروط دى فى تجهيزه :
استعمل مالا يقل عن 15 طبق واكبر كميه ملاعق وشوك و5 حلل و 10 كوبيات
ومش هوصيك على السمنه اللى هتوقعها على الارض والتلاجه اللى هتسيبها مفتوحه.

3.طبعا فى عيدميلادها مناسبه غير عاديه
اعملها التورته وحط فى التورته 90 شمعه مع انهاعندها 21 سنه بس

4.اكيد بقي هتسمع منها انها عملت ريجيم
اول ماتسمعها بتقول الكلمه دى تجرى على السوبر ماركت وتملا التلاجه شوكلاته وحلويات
ودايما امشي قدامها وانت بتاكل جاتوهات وبين ليها انك مستمتع بطعمه

5.ولابد من رأيك فى طبيخها يعنى لو عامله ملوخيه قولها حلوة اوى الباميه دى
ولو عامله لحمه قوللها حلوة اوى الفراخ دى
ويا سلام لو عملت كيكه وانت تقولها انا بحب اشرب شاى مع البسكوت

6.طبعا لو ربنا هداها وقالت هتنضف الشقه طبعا دي فرصتكيا معلم تروح وتيجى فى الشقه وانت لابس جزمة دايس بيها في بلاوي
وياسلام لو بتمسح الارضيه وانت تمشى كل شويه وتعك الارضيه..الله الله
وتقولها انك رايح تجيب الجرنال او النضاره او انك حاسس ان التليفون هيرن كمان شويه
ويا سلام بقي لو تنجعص كدة على السرير وتطلب منها كوبايه ميه وهى طالع عنيها فى التنضيف لاوايه لو جابتهالك قولها عايزها ساقعة ولو ساقعة قولها عايزها سخنة
المهم اتلكك لغاية ما تجبلها الجدري.



طبعا الكلام ده لو عملته يبقي انا ضمنت انى همشى فى جنازتك
لو كانت نكديه سيبلها البيت وامشى وريح دماغك

اما بقى لو كانت عسولة وزي القمر وبتسمع الكلام وهادية ورزينة

اخنقها برده انت خسران ايه



ياريت اكون افدتكم ياجماعه