قصيدة نظرة حب للشاعر محمود الحضرى من ديوان الحياه

(( نظرة حب ))

بحبها .. بحبها .. أيوة دى اللى بحبها

متسألونيش إشمعنة هيا عشان معرفش سبب لها

ووالله نفسى أقولها .. وأسمع ردها

بس مش لاقى طريقة عشان حبى يوصللها

-------------------------------

يا خوفى حبى القديم يكون مقصر على قلبها

ويقصر على نفسيتها ومعرفش أقولها

مش عارف أسألها ولا أسأل صاحباتها

ولا أشوف حد حبيبى يتوسطلى عندها

-------------------------------

عليها ضحكه يا عينى عليها لما أبص وأضحك لها

ولا النغزه اللى ف خدودها صعب أوصف شكلها

مش عارف إزاى ف نظره سحرتنى برمشها

وبقيت خلاص هموت وأوصل لحبها

-------------------------------

قلبى إتخطف من مكانه وف لحظة بقى عندها

وبقى نفسه يوصللها إنه بقى حته منها

دا ذنب البعد بيننا دا أكيد مش ذنبها

بس لو شوفتها هقولها كلامى دا ف وشها

-------------------------------

بحبك .. أيوه بحبك .. مكدبتش لما قولت بحبك

من قبل حتى ما أشوفك ولا حتى قبل ما أقابلك

مش لازم إنى أكلمك .. كفاية أسمع صمتك

وكفاية وإنت ساكته بحس ديماً بحُبك

-------------------------------

أشوفك أو أكلمك مش هى دى القضيه

ما مسير هييجى اليوم اللى هتبقى فيه ليا

ومش هتسعنى الدنيا وكل الناس حواليا

وهخرّج كل كلمه كانت زمان متداريه

-------------------------------

القضية إنى خايف لا البعد يأثر بيننا

والحب اللى جوانا يضيع ومايبقالنا

أو يوم تيأسى من اللى ممكن يجرالنا

وتعاملينى أنا وقلبى ولا كإنك باصّالنا

-------------------------------

على أى حال هحبك وأدينى قولت اللى جوايا

وبرده هفضل مستنى تكونى ف يوم معايا

حتى لو كان نار حبك هتحرقنى ف حكاية

وف الآخر تكتب على حكايتى النهاية

هخلى النار تلج والحكاية تطوول لرواية

.......................................

بحبـــــــــــــــك

-------------------------------

مع تحياتى .... الشاعر / محمود الحضرى

eng_mahmoud_elhadary@yahoo.com

رابط تنزيل القصيدة

http://www.mediafire.com/?9q2yu2h54zq47

رابط القصيدة عالفيس

https://www.facebook.com/note.php?note_id=10150147072324848

بحبك .. أيوه بحبك .. مكدبتش لما قولت بحبك

من قبل حتى ما أشوفك ولا حتى قبل ما أقابلك

مش لازم إنى أكلمك .. كفاية أسمع صمتك

وكفاية وإنت ساكته بحس ديماً بحُبك

كنت رااااااااااائع جد يااااااااااااحضرى وانت تصف حبيبتك

فما اجملة وصف زادة الجمال وفاق كل وصف يرفع من جمال

الحبيبة جمال اخر

وصفتها بأجمل الكلمات فكانت هى قلبك يدق بصمت الأحبة

همست لها فوقفت حائرة بينك وبين قلبك

وقفت لتسمع نبض الحبيب

وهو ينشد لها بكلمة احبك

شكرا
حضرى

كنت راااااااااااااااااائع

فسطرت يداك كلمات لها جمالها

قصيدة نظرة حب للشاعر محمود الحضرى من ديوان الحياه Get-8-2011-hbrrbdnk

» قصيدة محمود بك الحضرى للشاعر محمود الحضرى من ديوان الحياه
» قصيدة أغيثونى يا قوم للشاعر محمود الحضرى من ديوان الحياه
» قصيدة احببتها للشاعر محمود الحضرى من ديوان الحياه